МУын гуравдахь ерөнхийлөгч Н.Энхбаяр Хөдөөгийн хөгжлийн төв ТББыг байгуулжээ. Энэ байгууллага нь малчдын сайн сайхны төлөө үйл ажиллагаагаа чиглүүлж байгаа. иймээс өвөлжилт хүндэрсэн энэ цагт зуданд нэрвэгдсэн малчдад туслах зорилгоор 3 аймгийн нутагт очиж, малчдын ахуй амьдралтай танилцлаа.МУын гуравдах ерөнхийлөгч Энхбаярын хувьд, Өвөрхангай Архангай, Хөвсгөл аймгийн малчин айлуудад очиж бодит нөхцөл байдалтай танилцаж туслалцаа үзүүлсэн. хөдөөгийн хөгжлийн төв ТББын хувьд хүүхдийн болон эмэгтэйчүүдийн залуучуудын байгууллагууд, МҮЭвлэл зэрэг олон байгууллагын хамтын хүчээр босгосон тусламжийг 3 аймгийн 62 сумын 1200 гаруй айл өрхөд хүргэх ажлыг зохион байгууллаа. Хөдөөгийн хөгжлийн төв ТББын  тэргүүн Энхбаярын хувьд 30 гаруй малчин айлд очиж тэдэнд тулгарсан асуудлыг ярилцаж, ТББынхаа туслалцааг үзүүлсэн юм. Улсын хэмжээнд малын зүй бус хорогдол бараг 2 саяд хүрээд байгаа энэ цагт малчдад чин сэтгэлийн туслалцаа юунаас илүү хэрэгтэй байгааг тэд хэлж байна. Мөн  Малчин хүн малынхаа ашиг шимээр амьдралаа залгуулдаг ч байгалийн давагдашгүй үзэгдэлд хүчин мөхөсдөж байгаа нь бодит байдлаас харагдаж байна. үржүүлж өсгөж байгаа малаа алдах хэцүү, өглөө босох бүрийд нь өвөлжөөнд нь үхсэн мал байхыг харах бүүр ч  хэцүү болохыг МУын гуравдах ерөнхийлөгч Энхбаярт малчид хэлж байсан.
Зуданд нэрвэгдсэн малчдын бэрхшээл үүгээр зогсохгүй. тэд малдаа өгөх өвс тэжээл худалдан авах, үр хүүхдийнхээ сургалтын төлбөрийг төлөх бэлэн мөнгө байхгүй учраас банкнаас зээл авахаас өөр сонголт байдаггүй. иймээс 1 саяас 5 сая төгрөгний зээл авсан малчид цаашид яахаа ч мэдэхгүй, өндөр хүүгийнхээ ард хэрхэн гарах нь тодорхойгүй өрийн сүлжээнд баригдаж байна. энэ мэтчилэн малчдад хүнд хэцүү цаг ирсэн учраас МУын гуравдахь ерөнхийлөгч Энхбаяр Хөдөөгийн хөгжлийн төв ТББын үйл ажиллагааг холоос тодорхойлох биш харин малчдын бодит амьдрал дундаас гаргаж, малчдад шууд хүрэх үйл ажиллагаа явуулах зорилготойгоо хэлж байсан юм. малчид ч гэсэн тэдэнд хүрэх зөв зохистой бодлого, мөн малаа алдаж байгаа энэ цагт малын эмнэлэгийг сэргээхээс эхлээд олон асуудал тулгарч байгааг санууллаа. өвөлжилт хүндэрч, хэт хүйтрэлийг даахгүй мал осгож, мөн өвс тэжээлийн дутагдлаас болж  хорогдож байна.  цаашид ч хаваржилт хүндрэх төлөвтэй байгаа учраас хөдөөгийн хөгжлийн төв ТББын тэргүүн энхбаяр Ховд Говь Алтай аймгуудад удахгүй ажиллаж байгууллагынхаа үйл ажиллагааг тэдэнд хүргэн, малчидтай хамтран ажиллахаар төлөвлөж байнаа.